Largimi i Albës, Shtylla: Vendim i dhimbshëm, por i domosdoshëm për qetësinë shpirtërore të saj (VIDEO)

Gazetari Redion Shtylla ka komentuar largimin e Alba Pollozhanit nga reality show Big Brother VIP Kosova gjatë emisionit “Weekend” në Klan Kosova. Ai tha se vendimi i saj për të dalë disa javë para finales është i dhimbshëm, por i nevojshëm për mirëqenien e saj personale. Shtylla shpjegoi se situatat që Alba krijonte shpesh rezultonin në favor të banorëve të tjerë dhe në dëm të saj, duke e bërë atë të duket sikur nuk kishte respekt për veten para publikut.

“Alba shikonte që edhe kur krijonte situata, banorët e tjerë po fitonin më shumë në kurriz të saj dhe ajo dilte në sytë e publikut si një grua që nuk kishte respekt për veten”.

“Edhe pse është një vendim shumë i dhimbshëm për atë si lojtare që të dalë 2-3 javë para finales, por është një vendim për qetësinë e saj shpirtërore. Unë besoj shumë që ajo si njeri duhet të shërohet, sesa të vuaj dhe të ketë këtë periudhë në Big Brother”, tha ai.

Shtylla theksoi se prioritet i Alba Pollozhanit është shëndeti emocional, duke nënvizuar rëndësinë e kujdesit ndaj vetes./Klankosova.tv

https://www.youtube.com/watch?v=A4LGfgrOdWY