Lajmet e fundit
Tenori shqiptar me famë botërore Ramë Lahaj është i ftuar i Baton Haxhiut në “Zona B” të Klan Kosovës.
Lahaj ka folur për arritjet e tij në sferën e muzikës klasike duke treguar edhe për interpretimin e tij në Sidney.
“Opera e Sidneyt e ka parë të arsyeshme të më ftojë”.
“Ftesën e kam marrë prej operasë së Sidney, unë kam qenë pak në stres sepse është një prej kokave të operave”.
“Është gjithmonë e vështirë ta sjellësh një djalë shumë të ri që ka pasur sukses në Evropë në opera dhe ta bindësh publikun që ky djalë këndon mirë”.
Ai gjithashtu ka treguar se ka qenë pjesë e mediave në Australi.
“Mund të them se nuk ka pasur media në Australi që nuk ka folur për shfaqjet e mia”.
“Për mua ishte e rëndësishme që mediat kanë potencuar se dekadën e fundit nuk ka pasur alfredo më të mirë në operën e Sidney”.
Tenori shqiptar që ka shkelur skenat më të mëdha botërore të muzikës klasike ka thënë se është privilegj të këndosh në skena të mëdha.
“Privilegji i të qenit në një opera të madhe ose më të vogël, është diçka që i përket historikut tënd si këngëtar”.
“Nëse ti këndon në një teatër e luan në teatër dhe të bëjnë ofertë prapë në sezonin tjetër, atëherë është një sinjal i mirë”.
“Por ajo se çfarë ka më shumë rëndësi është kur audienca është e kënaqur”.
