LaBeouf do të trajtohet për zemërimin e tij

Aktori Shia LaBeouf është urdhëruar që të shkojë në këshillim për menaxhimin e zemërimit si pjesë e një marrëveshjeje lidhur me arrestin e tij më herët gjatë këtij viti.

31 vjeçari ishte arrestuar në hollin e një hoteli në Savannah të Gerogia-s më tetë korrik.

Ai kishte prishur rendin kur i kishte kërkuar një të huaji një cigare dhe ai kishte refuzuar t’ia jepte.

Sipas raporteve, LaBeouf ishte liruar një vit me kusht, por ishte urdhëruar që t’i vijojë orët për menaxhim të zemërimit.