Ky është punëtori që sulmoi seksualisht 7-vjeçaren në Vushtrri, prapa grilave për 1 muaj

Një rast tejet i rëndë ka tronditur Vushtrrinë disa ditë më parë, duke shkaktuar reagime të forta edhe në opinionin publik. Në këtë qytet, një punëtor teknik i një shkolle fillore dyshohet se ka sulmuar seksualisht një vajzë shtatëvjeçare. Burime për Klankosova.tv bëjnë të ditur se i dyshuari është Ilir Ademi, rreth 34 vjeç, ndërsa redaksia ka siguruar edhe fotografinë e tij. Ndaj tij, Gjykata Themelore në Mitrovicë ka caktuar masën e paraburgimit prej një muaji, vendim i marrë të premten e kaluar dhe i konfirmuar nga vetë gjykata për redaksinë. Sipas burimeve të njëjta, i dyshuari thuhet se kishte qenë i suspenduar edhe më herët, megjithatë këto informacione ende nuk janë konfirmuar zyrtarisht. Klankosova.tv ka tentuar të marrë një tjetër deklarim nga Drejtoresha e Arsimit në këtë komunë, Naile Kovaqi - Bekteshi, por e njëjta akoma s'ka kthyer përgjigje. Në prononcimin e fundit të saj për Klan Kosovën, Kovaqi - Bekteshi kishte bërë të ditur se rasti ka ndodhur jashtë shkollës - duke theksuar se të gjitha veprimet e nevojshme janë ndërmarrë. /Klankosova.tv https://klankosova.tv/1231231sulmi-seksual-ndaj-7-vjecares-ne-vushtrri-drejtoresha-e-arsimit-flet-per-klan-kosova-i-dyshuari-eshte-ne-paraburgim-e-kemi-pezulluar-nga-puna12312133212/