Ky është punëtori që mbeti i vdekur në një qendër tregtare në Veternik

Një punëtor i ndërtimtarisë ka humbur jetën derisa ishte duke punuar në një qendër tregtare në Veternik. Viktima është shtetas rumun, derisa Klani merr vesh që i ndjeri quhej Nita Christian Michail, 48-vjeçar. Dyshohet se viktima ka rënë nga kati i dytë i objektit ku ishte duke punuar. Ndërkaq rastin për Klankosova.tv, e ka konfirmuar edhe policia. “Rreth orës 11:00 është marrë informata se një person, rreth 50 vjeç, ka rënë nga një lartësi deri sa ka qenë duke punuar në një objekt në lagjen Veternik . Si pasojë  e lëndimeve,  personi, mashkull (shtetas i huaj), ka ndërruar jetë. Vdekja e tij është konstatuar nga ekipi i mjekëve emergjent në vendin e ngjarjes”, tha zëdhënësja e policisë Flora Ahmeti për Klankosova.tv.