Ky baba krenar ka qepur 200 veshje për vajzën e tij (FOTO)

Nuk ka fjalë tjetër për të përshkruar Michael Gardner si një baba, përveç se me “krenar”. Duke përdorur pasionin e tij për qepje si një mënyrë për “t’u lidhur” me vajzën e tij, ai krijon me qindra veshje për të, duke riformuar veshjet e përdorura të grave. Të vetmet gjëra që i duheshin për të zotëruar zanatin e tij ishin disa mësime në Youtube dhe një model, i cili në rastin e tij ishte e bija, Ava. Bright Side zgjodhi 24 veshje të preferuara nga ai. Ata të dy përpiqen të fuqizojnë njëri tjetrin përmes të dëgjuarit dhe bisedës, dhe Michael do që ta mësojë vajzën që ta dojë veten dhe të tjerët përreth saj. Kjo është arsyeja pse ai gjithmonë kërkon mendimin e saj kur bëhet fjalë për zgjedhjen e dizajnit dhe të ngjyrave. Zakonisht është ajo që zgjedh materialin dhe ai pastaj e kthen atë në një veshje të bukur që e di se Ava do ta veshë në përditshmëri. Ashtu siç ka thënë edhe ai, Ava është absolutisht shefi, kështu që kur ajo dëshiron që ata të vishen njëjtë, e tëra që Michael duhet të bëjë është ta realizojë atë. Ajo do të vendosë për gjithçka tjetër, përfshirë prerjen, stilin, dhe madje edhe lokacionin e shkrepjes së fotografive.