Kuvendi mbylli dyert pa president, hapen sërish kutitë e votimit

Legjislatura e dhjetë e Kuvendit dështoi të zgjedhë presidentin e ri të vendit në afatin kushtetues, teksa rrjedhimisht qytetarët e Kosovës do t'i drejtohen kutive zgjedhore brenda 45 ditëve. Në seancat e së martës morën pjesë vetëm deputetët e partisë në pushtet, duke pamundësuar kuorumin për votimin e presidentit të ri të Kosovës. Seanca që nisi të hënën me propozimin e kandidateve për presidente nga ana e Lëvizjes Vetëvendosje, Feride Rushiti dhe Hatixhe Hoxha nuk gjeti përkrahje nga opozita duke dëshmuar mungesën e konsensusit politik. Në raundin e parë të këtij votimi, Rushiti mori 63 vota teksa mbeti larg kuorumit të nevojshëm prej 80 votave apo 2/3 të deputetëve të Kuvendit të Kosovës. https://klankosova.tv/deshton-zgjedhja-e-presidentit-kosova-ne-zgjedhje-te-parakohshme11/ Ditën e martë, partitë parlamentare akuzuan njëra-tjetrën për mungesë konsensusi politik, teksa kryeministri në detyrë i Kosovës, Albin Kurti mbajti dy konferenca për media duke akuzuar opozitën për bllokadë të procesit. https://klankosova.tv/kryeministri-albin-kurti-thirr-konference-per-media-arsyeja-e-paqarte-video/ Kurti dje kërkoi nga LDK të propozonte kandidat për president, teksa premtoi nënshkrimet e deputetëve nga partia e tij për zyrtarizimin e kandidaturës së këtij subjekti politik. Megjithatë, pavarësisht nënshkrimeve përkrahjen për votimin e këtij kandidati Kurti nuk e garantoi. Tutje, ai tha se nuk do e kishte problem edhe nëse emri i kandidates për presidente nga radhët e LDK-së do të jetë, Vjosa Osmani. “Ne fare nuk e kemi problem kë e sjell LDK-ja si kandidat. Asnjë problem nuk kemi ne me asnjë kandidat që na sjell LDK-ja, vetëm le të na sjellin 15 nënshkrimet. Në kuti votimi është i fshehtë. Nuk jam unë kurrfarë personi që shkikon edhe brenda kutive. Unë nuk e kam ditur mbrëmë sa vota do t’i ketë mbrëmë Feride Rushiti”, tha Kurti. https://klankosova.tv/kurti-sia-permend-emrin-osmanit-por-thote-se-e-pranon-cdo-kandidat-te-ldk-se1/ Në anën tjetër, opozita akuzoi Kurtin që kundërkandidati për Rushitin do të ishte vetëm sa për formimin e kuorumit dhe nuk do kishte përkrahje të kandidaturave të tyre. https://klankosova.tv/deputetet-e-ldk-se-ia-zbulojne-hilen-kurtit-po-e-do-ldk-ne-per-kuorum/ Pavarësisht tentimeve, në orën 23:00 me fillimin e punimeve të seancës së fundit të legjislaturës së 10-të të Kuvendit të Kosovës, munguan deputetët e opozitës duke pamundësuar fillimin e procesit të votimit për president. Kryetarja e Kuvendit, Albulena Haxhiu njëherit u.d. e detyrës së presidentes përmbylli punimet e Kuvendit duke njoftuar që vendi do të shkojë në zgjedhje brenda afatit kushtetues. Kosova do të mbajë zgjedhjet e treta parlamentare brenda dy viteve të fundit./KlanKosova.tv. https://klankosova.tv/ska-president-kosova-per-here-te-peste-ne-zgjedhje/