Kush e kërcënoi dje Mimoza Kusari-Lilën?

Një sulm eventual, ishte arsyeja përse dje në garën e kërcimeve tek Ura e Fshejtë, Kryetarja e Gjakovës, Mimoza Kusari-Lila, ruhej nga policë të armatosur me kallashnikovë dhe u përcoll tërë kohën nën masa të shtuara të sigurisë. Këtë e ka bërë të ditur për Klan Kosovën, zëdhënësja e komunës së Gjakovës, Abetare Domi, e cila tregoi se policia ishte lajmëruar për një sulm të mundshëm gjatë garës. E komandanti i policisë për rajonin e Gjakovës, Kristë Gjoka, i tregoi Klan Kosovës se urdhri për një përkujdesje të tillë për të parën e Gjakovës  kishte ardhur nga Prishtina. Klani i ka kontaktuar edhe zyrtarët për informim të policisë në Prishtinë, por ende nuk ka marrë ndonjë përgjigje.

klankosova.tV