Kusari monitoron gjykimin për vrasjen e gazetares Galizia: “Ku e gjen familja forcën për të luftuar për drejtësi kaq gjatë?”

Juristja e njohur për lirinë e medias dhe mbrojtjen e gazetarëve, Flutura Kusari, ka bërë të ditur se po qëndron në Maltë për të monitoruar seancat gjyqësore që ndërlidhen me vrasjen tronditëse të gazetares hulumtuese Daphne Caruana Galizia, e cila u vra më 16 tetor 2017 nga një bombë e vendosur në veturën e saj. Kusari njofton se aktualisht po gjykohen dy persona të akuzuar për shitjen e eksplozivit që u përdor nga autorët e vrasjes. Ata dyshohet se ia kanë shitur bombën personave që më pas e kanë vendosur nën ulësen e veturës së gazetares, dhe e kanë aktivizuar sapo ajo kishte hyrë në të. Në seancë janë zbuluar detaje tronditëse. "Plani A ishte që me e vra Daphnen me armë në shtëpinë e saj, nga jashtë oborrit. Por vrasësit ishin frikësu që nuk arrijnë me vra dhe kishin shku me planin B, me bombë në veturë. Lexo ketu me shume https://timesofmalta.com/.../live-blog-maksar-trial... Një nga policët, i cili po dëshmon tani, po tregon qysh në ditën e vrasjes kur ka shku në vendin e ngjarjes, e ka gjetë njëren këmbë të Daphnes jashtë veturës në fushë... aty e ka taku djalin e saj Matthew i cili i kishte thënë që nana e tij sapo kishte dalë nga shtëpia dhe se në momentin kur e kishte dëgju një shpërthim të madh, menjëherë ishte nisë në drejtim të rrugës ku ishte nana e tij... Ky rast është rast i rëndësishëm jo vetëm për sigurinë e gazetarëve në Maltë por në krejt Europë. Reagimi im për Times of Malta pas seances dje. https://timesofmalta.com/videos/media?id=7KfxbPqz Pyetja që e shtroj sa herë që vi në Maltë është: ku e gjen forcën familja me luftu për drejtësi që shtatë - tetë vjet?! Ku? Me tu thy zemra." - ka shkruar Kusari.