Lajmet e fundit
Kryeministri Albin Kurti është pritur në Departamentin Amerikan të Shtetit nga Këshilltari Derek Chollet, ku diskutuan prioritetet e përbashkëta dhe dialogun Kosovë-Serbi, për të cilin Chollet tha se është çelësi për të ardhmen evropiane të Kosovës.
“Më vjen mirë që takova kryeministrin e Kosovës Albin Kurti për të diskutuar prioritetet e përbashkëta, duke përfshirë përparimin në Dialogun Kosovë-Serbi, çelësi për të ardhmen evropiane të Kosovës. E falënderova atë për pritjen e afganëve dhe ritheksova përkushtimin e vendosur të ShBA-së për sovranitetin dhe integritetin territorial të Kosovës”, ka shkruar Chollet në Twitter, duke bashkangjitur një fotografi nga takimi.
Për këtë takim shkroi edhe Kurti, duke thënë se presin vazhdimin e bashkëpunimit dypalësh me ShBA-të.
“I nderuar nga ftesa e Chollet në Departamentin Amerikan të Shtetit për takimin tonë të parë personal. Presim vazhdimin e bashkëpunimit dypalësh me ShBA-të për vlerat dhe prioritetet e përbashkëta”, u shpreh Kurti, transmeton Klankosova.tv.
https://twitter.com/CounselorDOS/status/1520225910997368833
https://twitter.com/albinkurti/status/1520305957896663041?ref_src=twsrc%5Etfw%7Ctwcamp%5Etweetembed%7Ctwterm%5E1520305957896663041%7Ctwgr%5E%7Ctwcon%5Es1_&ref_url=https%3A%2F%2Fekonomiaonline.com%2Fpolitike%2Fkurti-pritet-ne-dash-chollet-perparimi-ne-dialogun-kosove-serbi-eshte-celesi-per-te-ardhmen-evropiane-te-kosoves%2F
