Kujt i është frikësuar Ramush Haradinaj?

Kryeministri i vendit, Ramush Haradinaj, ka marrë pjesë në programin e organizuar për nderë të ditës së shkollës “Maxhun Çekaj”, në Irzniq të Deçanit. Gjatë kësaj ngjarjeje, Haradinaj ka treguar se ka qenë nxënës i kësaj shkolle dhe e ka përjetuar tremën e të ikurit nga ora e mësimit sikur shumë fëmijë të tjerë, transmeton Klan Kosova. "Jam jashtëzakonisht i gëzuar, por kam edhe emocione. Njëkohësisht e marr edhe si nder personal faktin që sot mund ta ndajë këtë kohë bashkë me ju në shkollën ku edhe unë kam qenë nxënës - në këtë objekt, në klasën 5/1". "Këtu i shoh të gjithë profesorët e respektuar dhe këtu e kam përjetuar atë tremën, kur hyn këtu dhe kur bëhesh rresht para shkollës. E kam përjetuar edhe atë tremën kur kemi ikur prej or, kur kemi mësuar dhe kur kemi dhënë provime. Pra këtu i kam kaluar ato që i kalojnë të gjithë".

klankosova.tv