Kuba fton emigrantët të investojnë, hap dyert për kapital të huaj

Kuba ka ftuar emigranët të investojnë në ekonomi, duke deklaruar se dyert janë të hapura për bizneset nga jashtë. Zëvendëskryeministri kuban, Oscar Perez-Oliva Fraga, tha se nuk ka kufizime për përfshirjen e emigrantëve në projekte ekonomike, përfshirë edhe investime të mëdha në sektorë strategjikë. Vendimi vjen në një moment kur ekonomia e Kuba përballet me krizë të thellë, të përkeqësuar nga sanksionet e Shtetet e Bashkuara dhe mungesat e energjisë, ushqimit dhe ilaçeve. Autoritetet njoftuan gjithashtu se po heqin pengesat për bizneset amerikane dhe investitorët e tjerë të huaj, megjithëse embargoja amerikane vazhdon të kufizojë tregtinë dhe investimet. Ekspertët e cilësojnë këtë hap si pragmatik dhe potencialisht të rëndësishëm për përmirësimin e marrëdhënieve ekonomike mes Kubës dhe SHBA-së. Që nga viti 2021, qytetarët brenda vendit lejohen të hapin biznese private, ndërsa kjo është hera e parë që emigrantëve u jepet mundësia të investojnë drejtpërdrejt. Autoritetet kubane shpresojnë se kjo politikë do të tërheqë kapital të ri dhe do të ndihmojë në stabilizimin e ekonomisë, e cila ka pësuar një nga krizat më të rënda në dekadat e fundit./Klankosova.tv