Lajmet e fundit
Presidentja e Kosovës, Atifete Jahjaga, po qëndron në Portorozh të Sllovenisë, ku po merr pjesë në Samitin 100, që është takim mes liderëve dhe përfaqësuesve të bizneseve në Evropën Juglindore.
Ajo të dielën mbrëma ishte pjesë e pritjes te nikoqiri, presidenti slloven, Borut Pahor.
Por, sot udhëheqësja kosovare nuk u pa askund midis liderëve të tjerë shtetëror që dolën në shëtitje në qytezën bregdetare, Piran.
Kjo, derisa liderët e tjerë, u bën lajme me fotografitë e xhirimet nga vizita e tyre.
Mirëpo, në zyrën e të parës së shtetit të Kosovës, nuk kanë dhënë sqarime për mungesën e presidentes në këtë vizitë.
Arbër Vllahiu, këshilltar për media i saj, i pyetur nga Klan Kosova, vetëm sa ka rikonfirmuar pjesëmarrjen e Jahjagës në samit, dhe ka premtuar të publikojë së shpejti, fjalimin e saj në forum. /Klan Kosova.
