Ku do të transmetohet televizioni i Vetëvendosjes?

TVV është televizioni i parë nga një subjekt politik në Kosovë që e themeloi partia Vetëvendosje.

Produktet televizive të TVV-së do të transmetohen në rrjetet sociale si Facebook dhe Youtube, njofton Klan Kosova.

Kështu bëri të ditur Arianit Beqiri, këshilltari i Albin Kurit derisa ishte kryeministër, i cili bëri thirrje edhe për abonim në këtë televizion.

“Nga sot kemi filluar me TVV. Këtë medium mund ta gjeni tash e tutje në Youtube. Aty do të gjeni intervista të anëtarëve, deputetëve e ish-ministrave tanë”, ka shkruar ai.

Intervista e parë e televizionit ishte me nënkryetarin Besnik Bislimi që u shpërnda në Facebook.