Kthehet në Venezuelë vajza e vogël që u mbajt në SHBA pas deportimit të prindërve

Një foshnjë venezueliane, e cila ishte mbajtur në paraburgim nga qeveria amerikane pasi prindërit e saj u deportuan, është kthyer në Venezuelë. Maikelys Antonella Espinoza Bernal mbërriti në Aeroportin Ndërkombëtar Simon Bolivar të mërkurën me një fluturim riatdhesimi nga SHBA-ja. Zonja e Parë e Venezuelës, Cilia Flores, e mbajti 2-vjeçaren në krahë, ndërsa zyrtarët njoftuan kthimin e vajzës para gazetarëve të mbledhur në aeroport. “Sot kemi një fitore të madhe”, tha ministri i Brendshëm Diosdado Cabello. Venezuela kishte kërkuar që Shtetet e Bashkuara ta kthenin vajzën për javë të tëra, duke akuzuar zyrtarët amerikanë për rrëmbimin e saj. Departamenti i Sigurisë Kombëtare i SHBA-së (DHS) e mohoi më parë akuzën, duke argumentuar se familja ishte ndarë në një përpjekje për të mbrojtur Maikelys nga prindërit e saj, të cilët i akuzuan pa prova se ishin pjesë e grupit kriminal Tren de Aragua (TDA). Por, nëna e Maikelys e ka hedhur poshtë këtë pretendim. /Klankosova.tv