Lajmet e fundit
Kërkohen "veprime konkrete" për të ruajtur shërbimet mjekësore "që shpëtojnë jetë" në Gazën e shkatërruar nga lufta, paralajmëron Komiteti Ndërkombëtar i Kryqit të Kuq.
KNKK thotë se vetëm dy spitale referimi po ofrojnë shërbime të avancuara mjekësore në Gaza, në një deklaratë të lëshuar të mërkurën, shkruan CNN, transmeton Klankosova.tv.
“Për afërsisht 2 milionë njerëz, Kompleksi Mjekësor Nasser dhe Spitali Evropian i Gazës (EGH) – të dyja të vendosura në jug të Rripit të Gazës – janë dy spitalet e vetme referuese që ofrojnë shërbime të avancuara kirurgjikale dhe urgjente mjekësore me kapacitete të mëdha shtrati. Por që nuk është e mjaftueshme për të plagosurit dhe të sëmurët aktualë në Gaza”, thuhet në deklaratë.
Megjithatë, KNKK paralajmëroi se e ardhmja e Spitalit Nasser dhe një objekti të tretë, Spitali Al Amal, i operuar nga Shoqëria e Gjysmëhënës së Kuqe Palestineze, mbetet në balancë ndërsa luftimet vazhdojnë në afërsi të tyre. Kreu i zyrës së KNKK-së në Gaza, William Schomberg tha se "ndikimi kumulativ në sistemin shëndetësor është shkatërrues".
