Kryetari i Malishevës: Bilanci i të prekurve me Covid-19 është 66

Kyeministri në detyrë i Qeverisës së Kosovës, Albin Kurti, së bashku me ministrat Arben Vitia dhe Emilija Rexhepi, kanë vizituar sot Komunën e Malishevës, ku janë pritur nga kryetari i Komunës së Malishevës, Ragip Begaj, drejtori i shëndetësisë Liridon Hoti dhe zëvendëskomandanti i stacionit policor në Malishevë, Zenel Halitaj. Qëllim i vizitës ka qenë njoftimi me situatën me pandeminë Covid-19 në Komunën e Malishevës, njofton Klan Kosova. Kryetari Begaj e ka njoftuar kryeministrin Kurti me situatën në Malishevë, ku bilanci i të prekurve me Covid-19, është 66 persona, ndërsa një prej tyre ka ndërruar jetë dje. Më pas Begaj e ka njoftuar me zbatimin e vendimeve të qeverisë, për urdhëresën për masat shtesë për kufizim të veprimtarive të bizneseve, si dhe me menaxhimin e situatës në përgjithësi. “Jemi duke i zbatuar vendimet e nivelit qendror në përpikëri, por Malisheva i ka specifikat e saj dhe për këtë ju kemi paralajmëruar në fillim”, tha Begaj dhe kërkoj vëmendje më të madhe nga ana e qeverisë për Malishevën, për shkak të rritjes së numrit të të prekurve. Për t’u informuar më shumë rreth kësaj ngjarje, klikoni në linkun e mëposhtëm. https://klankosova.tv/kurti-malisheven-do-ta-ndihmojme-me-shume-dhe-do-te-kete-masa-me-rigoroze/

klankosova.tv