Kryesia vendos nesër për seancën e Demarkacionit

Kryetari i Kuvendit, Kadri Veseli, ka treguar se e ka pranuar nga Qeveria, Projektligjin për Ratifikimin e Marrëveshjes për Kufirin Shtetëror mes Republikës së Kosovës dhe Republikës së Malit të Zi. “Kam ftuar mbledhjen e Kryesisë së Kuvendit, për nesër në orën 16:00, për të proceduar më tutje me këtë çështje”, thotë Veseli në njoftimin për media, transmeton Klan Kosova. “Ftoj të gjithë deputetët që të mendojnë për interesin e qytetarëve dhe ta përkrahin këtë Marrëveshje, e cila forcon sovranitetin e vendit dhe i hap rrugë liberalizimit të vizave për qytetarët tanë”. Pas procedimit në Kuvend të Demarkacionit, Kryeministri Ramush Haradinaj ka kërkuar seancë të jashtëzakonshme për të enjten në ora 10:00, njofton Klan Kosova.

klankosova.tv