Lajmet e fundit
Kryeministri suedez, Ulf Kristersson, dënoi "një tentativë sulmi" kundër ambasadës izraelite në Stokholm, pasi një objekt që besohet të jetë një mjet shpërthyes u gjet jashtë saj dhe u shkatërrua nga skuadra kombëtare për bomba të mërkurën.
Stafi i ambasadës kishte njoftuar policinë për objektin, duke shkaktuar një reagim të madh nga forcat e rendit, tha policia suedeze.
"Kjo është shumë serioze. Një tentativë për sulm ndaj një ambasade është një sulm ndaj atyre që punojnë atje dhe ndaj Suedisë", tha Kristersson në një postim në rrjetet sociale, duke shtuar se policia dhe Policia e Sigurisë suedeze po hetonin "kush është përgjegjës".
Kristersson tha se mbikëqyrja e ambasadës dhe e institucioneve hebraike në Suedi ishte forcuar.
"Pajisja është shpërthyer në mënyrë të kontrolluar", tha një zëdhënës i policisë për transmetuesin TV4.
"Ne nuk do të frikësohemi nga terrori," shkroi ambasadori izraelit në Suedi, Ziv Nevo Kulman, në X.
Policia nuk pranoi të jepte ndonjë detaj mbi natyrën e objektit, apo se si kishte hyrë në ambasadën, dhe tha se kishte nisur një hetim, shkruan Reuters, transmeton Klankosova.tv.
