Kroosi, lojtari i parë që mund ta fitojë Evropianin pa klub

Toni Kroosit sot i ka skaduar kontrata me Real Madridin. Legjenda gjermane njoftoi se do të pensionohej në fund të këtij sezoni.  Ndonëse karriera e tij për klube ka mbaruar zyrtarisht sot, ai aktualisht po luan me Gjermaninë në EURO 2024. Tashmë, ai e ka arritur çerekfinalen e kësaj gare dhe gjermanët konsiderohen edhe tradicionalisht ndër favoritët për të fituar kampionatet, qoftë ato evropiane, qoftë ato botërore. Kësisoj, triumfi potencial i Kroosit me Gjermaninë do ta bënte atë lojtarin e parë që e fiton Evropianin pa qenë i angazhuar në ndonjë klub. /klankosova.tv.