Kriby: Kosova e Serbia ta dokumentojnë normalizimin

Ambasadori i Shteteve të Bashkuara të Amerikës në Serbi, Michael Kriby, i pyetur për marrëdhëniet në mes të Kosovës dhe Serbisë ka thënë se ato duhet të normalizohen sa ma shpejt, por me bazë të dokumentuar, transmeton Klan Kosova. “Edhe në 2012-ten, në tetor, kur Sekretarja Amerikane e Shtetit Hillary Clinton dhe Përfaqësuesja e Lartë e Bashkimit Europian, Catherine Ashton, ishin në Beograd, për të diskutuar normalizimin e marrëdhënieve mes Beogradit dhe Prishtinës, as atëherë nuk u tha në mënyrë specifike se çfarë nënkuptohet me stabilizim”. “Deri më tani nuk ka miratim të asnjë dokumenti, prandaj për formën e normalizimit iu takon Serbisë, Kosovës dhe Bashkimit Evropian ta vendosin” ka thënë Kirby, për agjencinë serbe të lajmeve Beta, përcjellë Klan Kosova. Ai tha se edhe në vizitën që në shtator kryeministri serb Aleksandar Vuçiq do t’i bëjë Uashingtonit dhe në takimin e tij me zëvendëspresidentin amerikan Joseph Biden, temat kryesore do të jenë marrëdhënia e të dy vendeve, rruga e Serbisë në çështjet ushtarake të BE-së dhe ekonomia serbe.

klankosova.tv