Krasniqi - Gjykatës: Ju kërkoj ta gjykoni çdo provë me durim, s'do të gjeni ndërmarrje kriminale!

Ish-kryeparlamentari Jakup Krasniqi e ka përmbyllur fjalën e tij para Dhomave të Specializuara të Kosovës në Hagë me një deklaratë të fuqishme. Krasniqi iu drejtua trupit gjykues me fjalët se nëse dashuria për liri gjykohet si një krim, atëherë historia do të dënohet. Populli i Kosovës ka kërkuar liri dhe pavarësi, asgjë më shumë tha ai, transmeton Klankosova.tv Në fund, i kërkoi gjykatës ta gjykojnë çdo provë me durim, por pa paragjykim. Aty, nuk do ta gjejnë ndërmarrjen kriminale siç e thotë ZPS, por historinë njerëzore të formësuar për liri! “Populli ynë kurrë nuk planifikoi shkatërrim apo torturë, kërkonim jetë në liri dhe pavarësi. Agjë më shumë, asgjë më pak. Nëse dashuria për liri gjykohet si krim, atëherë vet historia do të dënohet. Qëndroj para jush siç kam qëndruar gjatë gjithë jetës time, i pa frikësuar ndaj të vërtetës se njerëzit e meritojnë lirinë. Nëse kjo bindje gjykohet si krim, historia do të jep verdiktin shumë kohë pasi kjo gjykatë të ketë folur. Ju kërkoj ta gjykoni secilën provë me durim dhe pa paragjykim, nuk dot ë gjeni një ndërmarrje të përbashkët kriminale, por një histori njerëzore të formësuar nga shpresa dhe domosdoshmëria, nga besimi në fitore dhe demokraci. Nëse kjo bindje për lirinë tonë gjykohet drejtë këtu, drejtësia do ta nderojë parimin që krijoji këtë gjykatë. Po e përfundoj fjalën time, duke kërkuar drejtësi e cila shihet qartë. Faleminderit”. /Klankosova.tv