Krasniqi e fitoi garën e parë të sezonit në automobilizëm

Garuesi Fatos Krasniqi ka triumfuar në garën e parë të kampionatit të Kosovës në disiplinën super auto sllallom. Anëtari i ekipit AMTKK garoi me automobilin Honca Civic dhe regjistroi kohën më të shpejtë 01:23.516 minuta përcjell klankosova.tv. Në pozitën e dytë u rendit vozitësi Faton Rama i ekipit Eurogoma RT, që garoi me Renault Clio. Ndërsa podiumi u kompletua me Valon Jahën e ekipit Prishtina RT që me automjetin BMW pati kohën e tretë më të shpejtë. Ndryshe gara u zhvillua në pistën e vjetër të aeroportit në Sllatinë.