KQZ përditëson rezultatet nga votimi përmes postës

Komisioni Qendror i Zgjedhjeve mbrëmë ka përditësuar rezultatet e votave të diasporës të ardhura me postë. Sipas rezultateve të deritanishme, Lëvizja Vetëvendosje renditet e para me 52.14%, Lidhja Demokratike e Kosovës ka 28.40%, Partia Demokratike e Kosovës 7.94%, dhe AAK 4.76%, shkruan Klankosova.tv Këto të dhëna janë nga procesimi i 67 nga gjithsej 188 kutive, apo 35.64%. Pas përfundimit të numërimit të votave nga diaspora dhe përfaqësitë diplomatike, KQZ do të fillojë numërimin e votave me kusht dhe atyre të personave me nevoja të veçanta.