Kosovarja tenton të udhëtojë në Gjermani me pasaportë të rreme diplomatike, kapet në Aeroport

Një grua ka tentuar të udhëtonte nga Prishtina për në Gjermani, duke prezantuar dokumente të rreme. Por, ajo është vërejtur nga autoritetet e Aeroportit Ndërkombëtar të Prishtinës “Adem Jashari”, me ç’rast i janë sekuestruar pasaporta diplomatike dhe një distinktiv. Ky rast kishte ndodhur më 11 mars, derisa rasti ndaj saj, sipas raportit policor, është iniciuar më 7 prill të këtij viti. “ANP. Adem Jashari 11.03.2026 – 15:30. Raportohet se gjatë prezantimit të dokumenteve në shkuarje nga Prishtina për në Dyseldorf, e dyshuara femër kosovare, ka prezantuar një pasaportë diplomatike një ID dhe një distinktiv, të cilat janë sekuestruar. Me 07.04.2026 me vendim të prokurorit ndaj të dyshuarës është iniciuar rasti dhe pas përfundimit të procedurave e dyshuara është liruar në procedurë të rregullt.”, thuhet në raportin policor. /Klankosova.tv