Kosova merr përkrahje nga "Ballisti"

Kombëtarja e Kosovës ka marrë përkrahje nga një tifoz mjaft i veçantë. Ai është Ismajl Morina, i njohur me nofkën "Ballisti". "Ballisti" tha se do ta përkrah Kosovën në ndeshjet kualifikuese për Kampionatin Evropian Euro 2024". Morina theksoi se do të struket tek bastioni i patriotizmit shqiptar, që quhet Kosovë me kryeqytet Prishtinën. Tifozi njihet për patriotizimin e tij, ku ishte ideatori i dronit në stadiumin e Beogradit, në ndeshjen Serbi-Shqipëri me 14 tetor 2014. "Përderisa Tirana ta ketë mish e koc me Beogradin dhe Athinën unë do strukem te bastioni i patriozmit shqiptar që quhet Kosovë me kryeqytet Prishtinën" - tha "Ballisti". "Dardanët" në kualifikimin për Kampionatin Evropian "Euro 2024" është në grupin I me Zvicrën, Izraelin, Rumaninë, Bjellorusinë dhe Andorrën.