“Kosova ka të drejtë për të qenë pjesë e BE-së”

Alain Terrenoirre, Presidenti i International PanEuropean Union, ka thënë se Kosova e ka të drejtën e plotë për të qenë pjesë e Bashkimit Europian, njofton Klan Kosova. Ai kërkoi nga të gjitha vendet anëtare të PanEuropean që ta ndihmojnë Kosovën në aspiratat e saj drejt anëtarësimit në Bashkimin Europian. Terrenoirre, këto komente i ka bërë në konferencën ndërkombëtare “Një dekadë Pavarësi – Rruga Europiane e Kosovës”, e cila është duke u mbajtur për nder të dhjetëvjetorit të Pavarësisë. Zëvendëskryeministri Enver Hoxhaj, në këtë konferencë ka thënë se anëtarësimi i Kosovës në Bashkimin Europian, nuk ka vetëm interes ekonomi, por sipas tij është edhe qëllimi më i lartë gjeostrategjik i Kosovës.

klankosova.tv