“Kosova e Re” – ditë historike për vendin

Presidenti Hashim Thaçi, ka thënë se kjo është një ditë historike për Kosovën, njofton Klan Kosova. “Sot po arrihet rezultati kulminant – i falënderoj të gjitha qeveritë që kanë punuar për këtë marrëveshje”. “Ky termocentral jo vetëm që do ta rregullojë problemin e energjisë – por po rregullohet edhe problemi i investimeve në Kosovë”. “Kjo kontratë paraqet investimin më të madh nga i cili do të krijohen 10 mijë vende të punës”. Edhe kryeparlamentari Kadri Veseli e ka konsideruar këtë ditë si historike, njofton Klan Kosova. “Kosova po ec përpara dhe do të ketë zhvillim ekonomik”. “Faleminderit të gjithë atyre që e kanë bërë të mundshëm këtë investim”. “I ftoj të gjithë investitorët që të vijnë të investojnë në Kosovë”. Kryeministri Ramush Haradinaj tha se do të “vazhdojmë me punë”, pa e zgjatur më shumë fjalimin e tij, njofton Klan Kosova. Ambasadori amerikan në Kosovë, Greg Delawie, i ka uruar të gjitha palët për nënshkrimin e marrëveshjes për ndërtimin e Termocentralit “Kosova e Re”, njofton Klan Kosova. “Ditë shumë e mirë për sigurinë energjetike të Kosovës – ShBA do të ju mbështesë”. Joseph Brandt nga Countur Global i ka falënderuar të gjithë për punën që nga koha kur ka nisur ky projekt, njofton Klan Kosova.

klankosova.tv