“Kosova do të hiqet nga Kushtetuta e Serbisë”

Presidenti Hashim Thaçi ka thënë se Kosova do të hiqet nga Kushtetuta e Serbisë. “Herët ose vonë kjo do të ndodhë”, ka thënë Thaçi duke shtuar se ai beson në pajtimin e Kosovës dhe Serbisë, njofton Klan Kosova. Këto komente ai i ka bërë në forumin “Fol Hapur” të organizuar nga Lëvizja Fol. Thaçi më tej ka thënë se Serbia nuk mund ta luaj rolin e shtetit me fuqi në rajon, pasi sipas tij serbët kanë probleme me secilin shtet fqinjë. “Unë mendoj se Serbia është problem në rajon dhe jo fuqi”. “Detyrë e jona është që të punojmë për normalizimin e plotë të marrëdhënieve ndërshtetërore”. “Do të ishte me rëndësi jetike që të vazhdojë implementimi i marrëveshjeve të arritura në Bruksel”. Ndërsa duke iu referuar marrëdhënieve të mira ndërmjet Beogradit dhe Ankarasë, Thaçi ka thënë se “ raportet ndërmjet këtyre dy vendeve nuk e prishin relacionin tonë të mirë ndërmjet Kosovës dhe Turqisë”.

klankosova.tv