Kopertina e janarit e Elle, me Dua Lipën

Këngëtarja e re me prejardhje nga Kosova, Dua Lipa, do të jetë imazhi i revistës së famshme Elle gjatë muajit janar.

Kjo është njëra ndër revistat më të famshme në botë, ku për çdo numër në muajt, në kopertinën e saj vendoset imazhi i një ylli.

Kësaj radhe është Dua Lipa ajo që do të jetë pjesë e kopertinës së Elle dhe lajmin e ka bërë të ditur vetë Lipa përmes një postimi në Facebook.

Ndërsa, përveç kësaj, ajo po ashtu ka bërë të ditur se do të mbajë një turne nëpër Britani të Madhe dhe është i pari turne i Dua Lipës.

Dua thotë se për koncertin në Londër i ka shitur të gjitha biletat, mirëpo se ka ende mundësi që atë ta shohin tek performojë në qytetet e tjera.