Kongresmeni shfaqet kokëposhtë në mbledhje, nuk di ta largojë filtrin e Zoom (VIDEO)

Një kongresmen i Minesotës shkaktoi të qeshura me një video që u bë virale kohëve të fundit, kur e gjeti veten të paaftë për të fikur një filtër të programit Zoom, që e bëri atë të shfaqej kokëposhtë në një takim komiteti. Tom Emmer po merrte pjesë në një takim të së mërkurës të mbledhjes së Komitetit të Dhomës për Shërbimet Financiare përmes platformës Zoom, kur kolegët theksuan se imazhi i tij po shfaqej përmbys. “Ti je kokëposhtë, Tom”, dëgjohet një pjesëmarrës tjetër në thirrje duke i thënë. “Nuk di si ta rregulloj”, përgjigjet Emmer. https://www.youtube.com/watch?v=X66c0AHrmCI&t=34s Kolegët e tij u munduan duke u përpjekur ta ndihmojnë. “Të paktën nuk jeni një mace”, i tha një person, duke iu referuar rastit të Rod Ponton i cili u shfaq me një filtër të maceve gjatë një lidhjeje virtuale në Zoom. https://www.youtube.com/watch?v=lGOofzZOyl8