Komuna e Vushtrrisë blenë lule afër 600 euro

Komuna e Vushtrrisë ka blerë afër 600 euro lule për ditën e 8 Marsit, njofton Klan Kosova. Siç përshkruhet në kontratë ajo vlen vetëm për një ditë dhe furnizimi do të bëhet me lule të ndryshme. “Vlera e parashikuar e kontratës: 584.30 euro, kurse kohëzgjatja e kontratës (data e fillimi dhe përfundimit): një ditë kalendarike”, njoftohet në kontratën e publikuar. Lulet janë blerë në Shtime në dyqanin “NTP Agrocoop”, i cili ka qenë fitues i kontratës. “Agrocoop” e ka fituar tenderin pasi që ka paguar çmimin më të ulët nga të gjithë ofertuesit e tjerë. Nuk bëhet e ditur nëse lulet kanë qenë të destinuara për punëtoret e komunës, apo komuna do t’i shpërndajë ato nëpër institucione të tjera publike.  

klankosova.tv