Komuna e Pejës përkrah Planin Nacional për Rini

Kryetari i Komunës së Pejës, Gazmend Muhaxheri, së bashku me Koordinatorin Nacional për Kulturë, Rini dhe Sport, Rexhep Hoti, kanë nënshkruar një marrëveshje bashkëpunimi për implementimin e Programit Nacional për Rininë. Kryetari Muhaxheri ka thënë se do ta mbështesë Programin Nacional për Rininë sepse do t’i ndihmojë Pejës veçanërisht në sport, njofton Klan Kosova. “Përmes këtij programi ne do ta finalizojmë projektin e futjes së sportit nëpër shkolla. Ne kemi ndërtuar shtegun e atletikës që në raport me programin do të mundësojë zhvillimin e garave në atletikë”, ka thënë Muhaxheri. Ndërsa Koordinatori Hoti ka bërë të ditur se ky program parasheh përfshirjen e të gjithë nxënësve dhe studentëve në garë dhe pres që të gjithë ata të përfitojnë nga ky program. “Programi Nacional për Rininë është hartuar për secilin nxënës të secilës shkollës, duke filluar nga niveli fillor, i mesëm i ulët dhe niveli i mesëm i lartë. Ky program parasheh përfshirjen e të gjithë nxënësve dhe studentëve në garë dhe pres që të gjithë ata të përfitojnë nga ky program”, ka thënë Koordinatori Hoti. Qëllimi i këtij bashkëpunimi është asistimi i ndërsjellë për implementimin e Programit Nacional për Rininë si dhe aranzhimin e përbashkët të aktiviteteve që kanë për synim promovimin e diturisë, kreativitetit kulturor dhe mendimit kritik si dhe sportit.  

klankosova.tv