Lajmet e fundit
Shefja e kabinetit në Komunë të Leposaviqit, Shqipe Latifi, njoftoi se kanë marr kërkesë në lidhje me mungesën e ujit të pijes në fshatrat e banuara me shqiptarë, Bistricë, Cerajë e Koshtovë, dhe bëri të ditur se ndërprerja e ujit erdhi për shkak të djegies së pompave në stacionin e burimit në Bistricë.
Lidhur me këtë, Latifi shtoi se kanë kërkuar nga KRU Mitrovica që në afatin sa më të shkurtër të investohet në blerjen e pompave të rreja dhe në rregullimin e furnizimit me rrymë nga burimi.
Siç njoftoi me anë të një postimi në Facebook, ndaj kësaj kërkese kanë pranuar përgjigje pozitive, dhe se i është thënë që KRU Mitrovica do ta bëjë të pamundurën për t’iu dalë në ndihmë banorëve të komunës së Leposaviqit, duke i informuar se pompat do të kushtojnë gjithsej 6,000 euro.
Klan Kosova ka realizuar një storie lidhur me këtë problem para dy javësh, të cilën mund ta shihni duke klikuar në videon e mëposhtme:
