KOK: Për muajin qershor na presin një mori aktivitetesh për fëmijët e vendit

Komiteti Olimpik i Kosovës ka bërë të ditur se në Ditën Ndërkombëtare të Fëmijëve ka organizuar një mori aktivitetesh në Prishtinë për më të vegjlit. Në një postim në Facebook, KOK-u bën të ditur se aktivitete të tilla për fëmijë organizon gjatë tërë vitit, duke përmendur  edhe Ditën Ndërkombëtare të Sportit për Paqe dhe Zhvillim, Ditën Olimpike dhe Javën Olimpike, si dhe Festivalin Olimpik. “Kur jemi në muajin qershor, këtë muaj na presin aktivitetet si Dita Botërore e Sportit dhe Mjedisit, si dhe Dita dhe Java Olimpike, ku mijëra fëmijë pritet të praktikojnë sporte të ndryshme”, thuhet në njoftim. /Klankosova.tv