Klara Sefaj ka nisur garimin në Festivalin Olimpik Dimëror Evropian për të Rinj

Edhe Klara Sefaj ka nisur garimin në Festivalin Olimpik Dimëror Evropian për të Rinj (EYOF) “Bakuriani 2025”. Komiteti Olimpik i Kosovës ka bërë të ditur se skitarja garoi në sllallom të madh dhe pas dy lëshimeve doli e 49-ta prej 75 garuesve, 24 prej të cilëve nuk e përfunduan njërin nga dy lëshimet. "Ashtu si për Andi Pupovcin që garoi dje, edhe për Klaran, EYOF-i dimëror, që vlerësohet më i forti në kontitent për grupmoshat e reja, do të shërbejë për të marrë përvojë për gara të ardhshme ndërkombëtare". "Të dy do të garojnë edhe në disiplinën e sllallomit", thuhet në njoftim. /Klankosova.tv