Kjo është gjendja e rrugëve nëpër Kosovë

Komuna e Prishtinës, Ferizajt, Rahovecit dhe ajo e Suharekës kanë bërë me dije se të gjitha rrugët në këto qytete janë të kalueshme. “Rrugët e qytetit edhe më tutje janë të kalueshme. Është hedhur kripë në shumicën e rrugëve kryesore, dhe kompanitë janë në terren”, thuhet në njoftimin për media të Komunës së Prishtinës. “Gjithashtu ekipet e drejtorive të Shërbimeve Publike de Inspekcionit janë në terren. Kujdes për të gjithë me gomat e makinave dhe ju lusim për qarkullim të kufizuar dhe duke ju përshtatur kushteve atmosferike. Reshjet pritet të vazhdojnë deri në ora 18:00”. Rrugët janë të kalueshme edhe në Ferizaj sipas njoftimit për media nga kjo komunë. “Sipas raporteve në terren, të gjitha rrugët në zonën urbane dhe rurale janë të kalueshme dhe po mirëmbahen në kohë reale”. “Lusim qytetarët që përshkak të motit të ligë, të shmangin vendkalimet e rrezikshme në afërsi të zonave malore në territorin e komunës së Ferizajt”. Rrugët janë të kalueshme edhe në Rahovec dhe Suharekë sipas njoftimeve nga këto komuna, duke përjashtuar vësjtorësit në rrugët malore.

klankosova.tv