Lajmet e fundit
Kina u ka thënë kompanive të Koresë së Veriut që operojnë në territorin e saj se duhet të mbyllen pasi po zbaton kështu sanksionet e Kombeve të Bashkuara.
Kompanitë do të mbyllen në fillim të janarit derisa ndërmarrjet e përbashkëta kineze dhe ato të Koresë së Veriut gjithashtu do të detyrohen të mbyllen.
Kina, aleati i vetëm i madh i Pyongyang, tashmë ka ndaluar tregtinë e tekstilit dhe ka kufizuar eksportet e naftës, transmeton Klan Kosova.
Ky veprim është pjesë e një reagimi ndërkombëtar ndaj testit bërthamor të gjashtë dhe më të fuqishëm të Koresë së Veriut.
Këshilli i Sigurimit i OKB-së, ku Kina është anëtare, votoi njëzëri për sanksione të reja më 11 shtator.
Ministria e Tregtisë e Kinës tha se kishte vendosur një afat prej 120 ditësh nga miratimi i rezolutës që secila kompani e Koresë së Veriut brenda kufijve të saj të mbyllet.
Koreja e Veriut është e izoluar politikisht dhe ekonomikisht dhe shumica e tregtisë së saj është me Kinën.
Pekini tradicionalisht ka qenë mbrojtës ndaj fqinjit por ka kritikuar ashpër testet bërthamore dhe retorikën e përshkallëzuar.
Më parë këtë vit, u ndal së bleri qymyri nga Penjani dhe në tregtinë e detit dhe hekurit në të gjithë kufirin.
I shoqëruar me ndalimin e tregtisë së tekstilit, Koreja e Veriut ka humbur disa prej burimeve të saj të pakta të të ardhurave në valutë të huaj.
