Kim Jong Un kthehet duarthatë në Korenë e Veriut (VIDEO)

Udhëheqësi i Koresë Veriore, Kim Jong Un, është larguar nga Vietnami pas samitit të tij të dytë me Presidentin amerikan, Donald Trump, që u zhvillua në Vietnam. Mirëpo udhëheqësi komunist po kthehet në vendin e tij të izoluar me duar të zbrazëta, shkruan Euronews, transmeton Klan Kosova. Oferta e tij për çmontimin  e uzinës bërthamore në këmbim të heqjes të të gjitha sanksioneve është refuzuar nga Shtetet e Bashkuara. Presidenti Trump ka thënë para gazetarëve se marrëveshja dështoi për shkak të kërkesave të papranueshme zyrtarëve nga Koreja e Veriut. "Në parim ata donin që të gjitha sanksionet të pezulloheshin dhe ne nuk mund ta bënim një gjë të tillë", ka thënë Presidenti Trump. Udhëheqësit e dy vendeve kanë thënë se e kanë ndërmend t’i vazhdojnë bisedimet, mirëpo nuk kanë dhënë ndonjë datë se kur mund të ndodhë samiti i ardhshëm.

klankosova.tv