Këta janë gjyqtarët e javës së 31-të të Superligës

Në fundjavë do të zhvillohen ndeshjet e javës së 31-të të Superligës së Kosovës në futboll. Sot është hedhur shorti sot në selinë e Federatës së Futbollit të Kosovës për delegimin e gjyqtarëve të kësaj jave. Xhiroja nis me ndeshjen Ballkani – Malisheva , e cila zhvillohet të shtunën në stadiumin e qytetit në Suharekë, nga ora 15:00. Gjyqtar kryesor i kësaj ndeshjeje do të jetë Dardan Çaka. Të njëjtë ditë, Gjilani do të përballet me Suharekën. Referi Lirim Jashari, do ta ndajë drejtësinë në këtë përballje. Të dielën nga ora 15:00, Dukagjini do të jetë nikoqire e Feronikelit ’74. Mentor Ajeti do ta ndajë drejtësinë në këtë përballje. Të hënën luhen dy ndeshjet e tjera. Drejtësin në ndeshjen Ferizaji – Drita do ta ndajë gjyqtari Eridon Podvorica. Ndërsa ndeshja tjetër e kësaj dite zhvillohet midis Llapit e Prishtinës. Gjyqtar kryesor i kësaj ndeshjeje do të jetë Burim Jahmurataj.