Këshilltaret e Osmanit dhe bizneset kosovare takohen me zv. ministrin e Ekonomisë në Japoni

Rejhan Vuniqi dhe Donika Kadaj, këshilltaret e presidentes së vendit, Vjosa Osmani, bashkë me bizneset kosovare janë takuar me zëvendësministrin për Ekonomi, Tregti dhe Industri të Japonisë, Takehiko Matsuo. Sipas presidencës, pjesë e këtij takimi ishin edhe përfaqësues të bizneseve kyçe nga Kosova dhe përfaqësues të sektorit privat, me qëllim të thellimit të bashkëpunimit ekonomik në mes të dy vendeve. “Diskutimet u përqendruan në nxitjen e investimeve direkte nga Japonia në Kosovë, si dhe në krijimin e lidhjeve të reja ndërmjet komuniteteve të biznesit”, thuhet në njoftim, transmeton Klankosova.tv. Tutje, presidenca tha se ky angazhim është pjesë e vizionit të Osmanit për t’i avancuar marrëdhëniet ekonomike ndërkombtare të Kosovës, përmes diplomacisë ekonomike.