Lajmet e fundit
Instituti Demokratik i Kosovës (KDI), me anë të një njoftimi prezanton katalogun e çështjeve për komunën e Graçanicës, që përfshinë problemet me të cilat përballen qytetarët dhe bën prioritizimin e disa çështjeve esenciale që duhet të përfshihen në planifikimet buxhetore të komunave për vitin 2020.
Sipas KDI kjo vjen si rrjedhojë e një hulumtimi në terren, në këtë komunë janë identifikuar probleme në infrastrukturën rrugore, rrjetin e kanalizimit, furnizimin me ujë të pijes, transporti publik, menaxhimin e mbeturinave dhe deponit ilegale dhe ndotjen e lumit Graçanka, transmeton Klan Kosova.
Për më tepër katalogu i çështjeve është realizuar gjatë periudhës prill-qershor 2019. Përgjatë kësaj periudhe kohore janë vizituar gjithsej 275 vendbanime (fshatra/ lagje). Qëllimi i këtij katalogu është që ta rrisë vetëdijen qytetare dhe institucionale për rëndësinë e pjesëmarrjes së qytetarëve në konsultime publike me zyrtarët komunal.
Të gjitha detajet lidhur me këto problematika në Komunën e Graçanicës, mund t’i gjeni në katalogun e bashkëngjitur në vijim.
