Kastrati: Kurti po do të na çojë në zgjedhje verës për të keqpërdorur diasporën (VIDEO)

Profesori universitar Ardian Kastrati ka komentuar propozimin e Glauk Konjufcës si kandidat për president nga Lëvizja Vetëvendosje. Ai në “Edicionin Special” në Klan Kosova ka dhënë vlerësimin e tij mbi planet e kryeministrit Albin Kurti për periudhën e ardhshme politike. Kastrati theksoi se strategjia e Kurtit duket se synon zgjatjen e situatës deri në verë, siç tha ai, për të keqpërdorur ardhjen e diasporës. “Kjo është në funksion të objektivave politike që Albini i ka dhënë vetes, për të shkuar pafundësisht me zhagitje, deri në gusht. Unë jam i bindur që Kurti do të mundohet t’i shkelë normat kushtetuese një pas një, duke e bërë Albulena Haxhiun pas 5 prillit Ushtruese të Detyrës së Presidentes, që të na çojë verës në zgjedhje, për ta keqpërdorur ardhjen e diasporës për qëllime të tij politike”, u shpreh Kastrati./Klankosova.tv https://www.youtube.com/watch?v=nCDaLU80BpI