Të shtunën, Bundesliga Gjermane vjen me tre ndeshje për të mos u humbur në platformën numër një në vend, Artmotion.
Fillimisht në skenë dalin liderët e Bayernit që pasohen nga skuadra të mëdha si Wolfsburgu dhe Monchengladbachu.
15:30 BAYERN - STUTTGART ART SPORT 1
"Allianz Arena" do të jetë lokacioni e Bayern-Stuttgart do të jetë dueli. Bundesliga të shtunën nis në mënyrën më të mirë të mundshme me një klasike mes dy rivalëve të vjetër.
Kjo përballje vjen live dhe ekskluzivisht në Art Sport 1 me fillim nga ora 15:30.
58 është numri i pikëve që "bavarezët" kanë arritur të grumbullojnë në 25 duelet e para sezonale, teksa janë padyshim në pozitën e parë në tabelë. Nga ana tjetër edhe Stuttgarti po luan një edicion të mirë e tani janë të plasuar në pozitën e tetë me 36 pikë të arkëtuara.
Në ndeshjen e parë mes tyre të luajtur në fazën vjeshtore fitues në "Mercedes Benz Arena" doli Bayerni me rezultatin 1-3.
Bayern, 11-shja e mundshme startuese:
Neuer - Pavard, Hernandez, Sule, Davies - Goretzka, Kimich, Gnabry, Mueller, Sane - Lewandowski
Sttutgart, 11-shja e mundshme startuese:
Kobel - Kempf, Anton, Mavropanos - Sosa, Endo, Wamangituka, Ahamada- Castro, Forster, Kalajdzic
15:30 WERDER - WOLFSBURG ART SPORT 3
Milot Rashica me shokë rikthehen në aksion. Werderi e pret në shtëpi skuadrën e tretë në tabelë, Wolfsburgun, në një ndeshje që premton shumë spektakël dhe emocion.
Ky duel mes këtyre dy skuadrave luhet të shtunën me fillim nga ora 15:30 dhe transmetohet live dhe ekskluzivisht në Art Sport 3.
Pas 25 ndeshjeve, Wolfsburgu ndodhet në një pozitë të favorshme që më në fund të rikthehet në Ligën e Kampionëve.
Skuadra e drejtuar nga Oliver Glasner mban vendin e tretë në renditjen tabelore me 48 pikë të arkëtuara, nga to 13 fitore, 9 barazime dhe 3 disfata. Në anën tjetër, Werderi këtë edicion ndodhet në mes të tabelës duke mbajtur pozitën e 12-të me 30 pikë.
Vendasit kanë rekord më të mirë në këto katër edicionet e fundit duke arritur 4 fitore kundër Wolfsburgut krahas edhe 2 barazimeve dhe 2 ndeshjeve të humbura.
Werder, 11-shja e mundshme startuese:
Pavlenka - Gebre-Selassie, Toprak, Moisander, Augusttinson, Agu - Eggstein, Bittencurt, Rashica, Mohwald - Sargent
Wolfsburg, 11-shja e mundshme startuese:
Casteels - Mbabu, Bruma, Brooks, Gerhardt - Schagler, Arnold, Mehmedi - Brekalo, Baku, Weghorst
18:30 SCHALKE - M'GLADBACH ART SPORT 1
Dy skuadrat me formën më të tmerrshme aktuale në Bundesligë e sfidojnë njëra-tjetrën.
Schalke dhe Monchengladbach luajnë mes tyre këtë të shtunë me fillim nga ora 18:30 në duelin që luhet në "Veltins Arena", teksa në Kosovë vjen drejtpërdrejt në Art Sport 1.
Schalke nuk di për fitore tani e më shumë se dy muaj duke mbajtur me plot meritë pozitën e fundit në renditjen e elitës së futbollit gjerman. Ata deri në këtë periudhë të sezonit kanë grumbulluar vetëm 10 pikë në 25 duele.
Nga ana tjetër, Monchengladbach poashtu nuk di për fitore që një kohë të gjatë, saktësisht qysh nga emërimi i Marco Rose si trajner i Dortmundit për edicionin e ardhshëm. Ata megjithatë janë të stabilizuar në mes-tabelë me 33 pikë.
Të dyja këto klube kanë nevojë urgjente për rezultate pozitive, prandaj edhe ky duel pritet të jetë i luftuar dhe shumë interesant.
Schalke, 11-shja e mundshme startuese:
Ronnow - Becker, Mustafi, Thiav, Calhanoglu - Stambouli, Mascarell, Serdar - Harit, Hoppe, Raman
M'Gladbach, 11-shja e mundshme startuese:
Sommer - Elvedi, Ginter, Wendt, Bensebaini - Hermann, Stindl, Kramer, Neuhas - Thuram, Plea
●●●
LHSHKRIMI NGA
L H
Editorial nga Klan Kosova — ndjek sport dhe zhvillimet e tjera kryesore të vendit.
