“Kallen” pacientët e QKUK-së, radiatorët pa rregullator (VIDEO)

E vetmja mënyrë për ta balancuar temperaturën e dhomës nëpër klinikat e QKUK-së është hapja e dritares. I nxehti i madh nga ngrohja brenda kësaj qendre, po u paraqet telashe pacientëve dhe përcjellësve të tyre, anise ndodhemi në pikë të dimrit. Kjo sipas familjarëve përcjellës të të sëmurëve, bëhet edhe më problematike kur numri i të shtrirëve është i madh nëpër dhoma. Mirëpo rregullimi i temperaturës nëpër radiatorë nuk është kompetencë e ngrohtores së kryeqytetit “Termokos”, e cila e furnizon me energji termike QKUK-në, edhe pse thonë se të gjitha problemet e saj i trajtojnë me prioritet të veçantë. Lidhur me këtë, deri në realizimin e kronikës nga Klan Kosova, nuk janë përgjigjur menaxhmenti i QKUK-së. Detajet mund t'i gjeni në videon e mëposhtme: https://www.youtube.com/watch?v=P3jq1nk94cQ