Jonathan David konfirmon largimin nga Lille, ndez betejën e transferimeve

Sulmuesi kanadez Jonathan David e ka konfirmuar zyrtarisht se do të largohet nga Lille në fund të sezonit si një agjent i lirë. 25-vjeçari ka qenë një nga lojtarët më të spikatur në Ligue 1, duke shënuar 20 gola dhe  9 asistime në 36 ndeshje këtë sezon. David ka shprehur dëshirën e tij për të luajtur në klubet më të mëdha të botës, duke theksuar se synon të vazhdojë zhvillimin e tij si futbollist. Edhe pse nuk e ka zbuluar destinacionin e ardhshëm, klube si Liverpool, Manchester United, Tottenham dhe Barcelona kanë shfaqur interes për të nënshkruar me të. Me kontratën e tij që po skadon, David pritet të jetë një nga sulmuesit më të kërkuar në merkaton e verës.