JAVË VRASTARE

23 Gusht 2016. Tre të vrarë në Gjakovë. 25 Gusht 2016 Dy të vrarë në Deçan. 27 Gusht 2016. Një e vrarë në Shtërpcë. 29 Gusht 2016. Dy të vrarë në Prishtinë.   8 vrasje brenda një jave.   Një periudhë e këtillë nuk mbahet në mend në vendin tonë, transmeton Klan Kosova. Vrasje për motive konfliktesh personale, familjare... Vrasje e njerëzve si zgjidhje e problemeve. Kulminim makabër i një periudhe të dobësimit të madh të institucioneve të drejtësisë dhe policisë. S’ka dhënie të përgjegjësisë, s’ka urgjencë, s’ka garanci publike për sanksionimin e atyre që nuk e kryejnë punën e tyre si duhet. Ka vetëm ikje nga fajësia. Dhe kjo do të shkaktojë më shumë vrasje dhe më shumë dhembje në të ardhmen.