Jakup Krasniqi: Ky është viti i 16-të që po kaloj në burg nga 75 vitet e jetës sime

Ish-kryeparlamentari Jakup Krasniqi po vazhdon fjalën e tij para Dhomave të Specializuara të Kosovës në Hagë. Me fjalë të fuqishme, Krasniqi iu drejtua trupit gjykues, duke përmendur vitet e tij të kaluara në burg. Ai tha se ky është viti i 16-të nga 75 vitet e jetës së tij që ka kaluar në bug, me të vetmin qëllim, për lirinë e Kosovës, transmeton Klankosova.tv "Sot ndodhem në vitin tim të 16-të të burgimit vetëm pse luftova për liri dhe pavarësi të popullit tim. Po them vitin e 16-të sepse 10 vite e më tepër burg i kam kaluar nga viti 1981 deri në vitin 1991. Të kesh kaluar 16 nga 75 vitet e jetës në burg dhe të jesh privuar nga ajri i lirisë, nuk është diçka e vogël, është diçka e madhe." - tha Krasniqi. /Klankosova.tv