Jahjaga në Samitin e Bërdos, flitet për sigurinë

Presidentja e Kosovës, Atifete Jahjaga, do të marrë pjesë në Samitin e Bërdo-Brionit në Kroaci, ku pritet të takohet me shumë liderë të rëndësishëm të rajonit, por edhe me zëvendëspresidentin amerikan Joe Biden, ka njoftuar gazetari i Klan Kosovës në lidhje telefonike nga Zagrebi Kosovë Gjoci. “Gjithçka duket se është gati për fillimin e Samitit të Bërdos, ku do të ketë mysafirë specialë,  siç është zëvendëspresidenti amerikan Joe Biden”. “Në ora 12:00 fillon ardhja e delegacioneve. Në Samit priten të marrin pjesë të gjithë presidentët e rajonit”. “Parashihet që i pranishëm të jetë edhe Presidenti i Këshillit Europian, Donald Tusk si dhe Presidenti austriak Heinz Fischer”. “Gjithashtu është folur për ardhjen e ministrit të jashtëm gjerman Frank-Walter Steinmeier”. “Megjithatë zyrtarisht nuk thuhet se do të ketë takim kokë me kokë mes Biden dhe Jahjgaës, por ajo mund të ketë takim vetëm në margjinat e Samiti”. Gjoci nga Kroacia ka njoftuar se janë shtuar shumë masat e sigurisë në prag të takimit të liderëve. “Qasja e mediave që nga fillimi i Samitit deri në fund është goxha e kufizuar, janë rritë shumë masat e sigurisë”. “Duke i parë masat e mëdha të sigurisë lë të kuptohet që tema kryesore do të jetë siguria në këtë Samit edhe prania e zëvendëspresidentit Biden është një sinjal tjetër që ky Samit temë kryesore do ta ketë sigurinë”.

klankosova.tv