Jacobson u thotë liderëve kosovarë: Formojeni Specialen! (VIDEO)

Dy gra të pushtetshme në Kosovë u takuan me qëllim që t’i përkrahin grupet e margjinalizuara. Ato kërkuan më shumë barazi në shoqërinë kosovare. Por, Ambasadorja e Shteteve të Bashkuara të Amerikës, Tracy Ann Jacobson, e pati një porosi të rëndësishme për pushtetarët e Kosovës. Ajo në mënyrë direkte u bëri thirrje institucioneve të Kosovës që ta themelojnë Gjykatën Speciale. Në aktivitetin ”Angazhimi për Barazi”, që u organizua nga USAID , Jacobson tha se Kosova nuk duhet ta rrezikojë legjitimitetin e vet për një grup të vogël personash. Ambasadorja e shtetit më të fuqishëm në botë e konsideroi draftin final të Gjykatës Speciale si më të mirin e mundshëm.